උතුරේ හතරක් අබුඩාබියෙන් හරවා එවයි

ශ්‍රී ලංකාවේ සිට අබුඩාබි හරහා ස්විස්ටර්ලන්තයට යාමට උත්සහ කළ තරුණියන් තිදෙනෙක් සහ ඔවුන් ඒ සඳහා මෙහෙයවු බව කියන පුද්ගලයෙකු අබුඩාබි ආගමන විගමන නිලධාරීන් විසින් ආපසු හරවා මෙරටට එවා සිටියදී කටුනායක බණ්ඩාරනායක ජාත්‍යන්තර ගුවන්තොටුපොළේදී අපරාධ පරීක්ෂණ දෙපාර්තමේන්තු නිලධාරීන් විසින් අත් අඩංගුවට ගනු ලැබීය.

තරුණියන් තිදෙනා ඔවුන්ගේ සැබෑ ගුවන්ගමන් බලපත් භාවිතා කරමින් නිත්‍යානුකූල අයුරින් මෙරට සිට අබුඩාබි බලා ගොස් ඇති අතර එහිදී ශ්‍රී ලාංකික තැරැව්කරුවා හමු වී ඇත.
පසුව ඔවුහු ව්‍යාජ ගුවන් ගමන් බලපත් හා වීසා භාවිතා කරමින් අබුඩාබි සිට ස්විස්ටර්ලන්තයට යාමට උත්සහ කරද්දී මෙලෙස පිටුවහල් ‍ කොට එවා ඇති බව වාර්ථා වෙයි.
ඔවුහු ශ්‍රී ලංකන් ගුවන්සේවයට අයත් යු.එල් 124 දරණ ගුවන්යානයෙන් ආපසු එවා තිබිණි.